• [javascript protected email address]

Radyo VKM an dirèk

 

Direksyon depatmantal sid (DDS) polis nasyonl dAyiti an pa deside bay pyès òganizatè manifestasyon k ap fèt kont bidjè 2017/2018 la akize lèt de resepsyon pou sa. Malgre konstitisyon Ayisyèn 1987 la nan paj 16 nimewo 31-2 di ou gen tou senpleman pou mete lapolis okouran. Sa pa gen lontan depi DDS sid nan pran de dispozisyon pou se yo ki pou di ki jan manifestasyon yo dwe fèt tankou:

-          Yo pa asepte pou mach la dire plis pase 3zèd tan

-          Yo pa dakò pou manif nan pase nan zòn komèsyal pa egzanp 1er granri ak 2zyèm granri pa ladann.

-          Fòk òganizatè yo pou pakou a, dwe ekri tout ri y ap pase yo.

-          Fòk dirijan mach yo di pou tout sa y ap pran lari a.

-          Òganizatè yo dwe siyen pou tout kas ak tout vyolans ki fèt pandan mach nan se sou kont yo.

Apati de sa, si ou asepte Mario Robertjuste DDS lapolis la ap bay ou yon otorizasyon nan plas yon akize de resepsyon pou kapab manifeste. Nan ka kontrè ou ta deside pran lari a san otorizasyon an lapolis ap kraze manif nan.

Tout koze sa yo la depaman ak lojik konstitisyon an, pa gen okenn kote sa ekri nan manman lwa peyi a.

Sa rive yon moman tou pou DDS asire li pou manifestasyon pa fèt didou li maron pou òganizatè yo pa rankontre li. Paske se li menm sèl ki pou bay lòd si pou manifestasyon fèt nan komin Okay la.

Komite Sitwayen Endepandan sid plis Fòs se prensipal òganizasyon pami yon dal lòt ki ta deja fè nou konnen nan sans sa Lapolis Nasyonal Sid anpeche yo manifeste. Yo pa jwenn akize resepsyon, yo pa ka rankontre DDS la. Lè yo resi rankontre li se dilatwa l ap fè ak yo jistan yo pa janm jwenn akize de resepsyon yo. Se fòse yo asepte yon ansanm mezi ki depaman ak lojik konstitisyon 1987 la tankou sa nou fèt esplike nan paragraf 2 a. Ki donk pandan 3 fwa yo eseye pran lari nan dat 15, 18, 20 septanm 2017 la lapolis anpeche yo osinon kraze manif nan lè yo gentan pran lari a.

Ankèt radyo Vwa Klodi Mizo nou te mennen bò kote lapolis nasyonal sid jedi 21 septanm nan pou nou konnen nan ki nivo pwoblèm pou moun twouve akize de resepsyon an poze, nou jwenn:

-        Komisè adjwen komisaya Okay la fè remake menm lè yo ta genyen konpetans pou deside sou manifestasyon yo k ap fèt la, men gen lontan òganizatè yo se direksyon DDS la yo pran men li pa konnen ki sa ki pase. Li konnen tou depi kèk jou DDS la se li ki prèske okipe kesyon sa, li panse se parapò ak kò Inite De Mentyen Òd (IDMO) ki anba direksyon li direkteman e ki la pou akonpaye manfestasyon yo k ap fèt nan ki fè sa. Etou sa pa ta ka anpeche  desizyon k ap  pran yo fèt selon sa konstitisyon an prevwa. Li pa ka di twòp bagay sou sa k ap pase kounye a ant òganizatè manif  yo ak  Direksyon Depatmantal Sid lapolis la sou pwoblèm akize resepsyon òganizatè manif yo pa ka jwenn nan, paske li pa nan kwizin DDS la.

-        Sekretè DDS la fè nou konnen  ni DDS la, ni adjwen pa la. Li pa ka di nou kilè DDS la ap la, men adjwen an te la li pawè kote li fè. E tou li pa ka di si òganizatè manif yo pa genyen akize resepsyon nan men yo menm lè se li menm ki la pou bay tout akize resepsyon lèt li ta resevwa pou direksyon Depatmantal Sid lapolis la. Men sa rive DDS la di l si se lèt pou manif li pa gen pou li bay akize de resepsyon se li menm DDS la ki gen pou deside sou sa. 

Menm jedi a nou te eseye jwenn delege sid nan, toujou sou pwoblèm  manifestasyon lapolis anpeche fèt nan, òganizatè yo ap poze a. Sekretè biwo delegasyon an fè konnen se rele pou rele delege a sou nimewo li pou w pran randevou ak li, se konsa sa fèt kounye a. Anfen kont nou rele delege a, li reponn nou, aprè nou fin idantifye nou kòm jounalis radyo Vwa Klodi Mizo (VKM) se konsa aprè kèk sekonn nan yon lòt vwa nou pral tande: << se pa delege a ou vle pale ak li, wa rele w li nan yon lòt lè >>

Jis nan moman n ap pale la nou pa genyen okenn responsab ki vle bay eklèsisman sou ansanm dilatwa DDS lapolis la ap fè pou anpeche manifestasyon fèt nan vil Okay jan kèk òganizatè manif deja denonse sa.

Depi byen lotan rive jounen Jodi a nan kondisyon pifò pèp ayisyen an ap viv la ap ekate li pi plis de tout lojik demokrasi. Moun yo pa gen aksè chak jou pi rèd ak:

-          Dlo potab, manje, latè

-          Swen sante, lojman, travay

-          Edikasyon, elektrisite, lwazi

-           Dwa asosyasyon, reyinyon

-          Dwa pou yo manifeste, pou di sa yo dakò ak sa yo pa vle sitou nan dènye jou yo la

Nou kapab imajine nan ki sitiyasyon difisil pèp Sid/Okay ap viv la. Kote moun yo pifò nan yo dirijan yo prèske retire tout dwa  yo genyen.

E kounye a pwoblèm nan poze se kisa kid we fèt, ki kapab fèt pou pèmèt moun sa yo kapab jwi dwa sa yo. Moun k ap batay pou respè dwa moun tout kote nan limanite kòman ou wè kontribisyon paw nan sans sa? Sitou lè nou konnen konstitisyon 1987 la peyi dAyiti ak tou yon seri trete, akò, konvansyon, pak peyi Ayiti siyen, vote pou li aji sou respè ak fè pwomosyon dwa moun.

 

Jn Claudy Aristil.

Ajouter un Commentaire


Code de sécurité
Rafraîchir

OPEN

Monday - October 16, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 11 invités et aucun membre en ligne

Podcast radio vkm

 

Rechèch