• [javascript protected email address]

Radyo VKM an dirèk

 

Komite Sitwayen Sid ap pran lari demen mèkredi 20 septanm nan. Randevou  kase 10zè nan maten sou plas dam Okay. Se pou manifeste kont bidjè a, kont taks, kont kay pòv yo meri a ap kraze, kont blakawout elatriye. Yo mande pou popilasyon an mache ak pankat, bwanch bwa vin pile beton an pou egzije otorite yo retounen sou tout desizyon malonèt sa yo. E pou fòse yo tou mete bonjan travay ak kreye ase lekòl pou moun ki nan bezwen yo.

Òganizatè yo deklare yo pran tout mezi pou yo rive manifeste , pou sa ki te pase vandredi pase a pa rive kote lapolis te entimide yo, yo pat leve kanpe a.

Toujou sou ansanm leve kanpe yo nan Okay kont dirijan yo pou plizyè rezon, BIM yon inite nan lapolis nasyonal dAyiti kraze yon manifestasyon  nan boulva 4 chemen lendi 18 septanm nan bò 2zè yo nan laprèmidi.  Pwotestatè yo akize BIM yo mare sosis ak milis pouvwa a pou anpeche yo leve kanpe. Kote BIM yo simaye gaz lakrimojèn, tire sou foul nan. Ak tolere 3 endividi byen koni nan vil la ak gwo zam ap tire sou yo e plis lòt ankò ak wòch nan men yo ap agrese yo. Sou baz sa genyen enfòmasyon k ap sikile nan mitan popilasyon an kin di sa k rive la se inisyativ chèf wonflè a majistra prensipal la Jn Gabriel Fortuné ak gouvènman an pòtoprens ki fè vini BIM yo nan depatman sid la, nan Okay pou kwape tout manif k ap fèt.

Manifestan yo an repons boule kawouchou sou wout  4 chemen an. Konsa popilasyon zòn nan repwoche mesye/dam polisye yo ki vin pran yo devan pòt lakay yo pou al fè yo etenn kawouchou yo t ap boule yo. Epi foure men yo nan dife pou debarase wout la ki ak barikad anflame.

N ap viv kounye a nan depatman an yon sitiyasyon kote dwa pou moun manifeste pa respekte. Dirijan yo mete tout estrikti sou pye ki pa chita sou okenn fòs legal pou kontrenn tout sektè nan popilasyon an ki vle pwoteste kont sa ki fè yo mal. Plan sa monte nan lojik pou komisaya polis  la pa asepte lèt k ap mete direksyon an okouran manif k ap fè t. Bay lòd a lapolis pou kraze tout mach k ap fèt. Mete zam nan men milis pouvwa pou fè vyolans sou moun yo. Kreye yon sitiyasyon panik laperèz nan mitan kominote yo kote ou jwenn nan kòtèj y ap sikile nan depatman an lapolis nasyonal dAyiti ak milis pouvwa ak zam fann fwa nan men yo, se tankou ou te nan lagè.

Replik k ap soti nan bouch bò kote yon seri moun nan popilasyon an  nan radyo nan baz elatriye ki ta twouve dirijan yo ap pase dwa yo anba pye oubyen ap mete pye sou kou yo. Yo ta pran pozisyon pou di y ap ame tèt yo tou ak manchèt, frenn tout sa yo jwenn pou kanpe anfas pouvwa a ak tout milis li yo. Yo pa p rete gade otorite yo k ap monte sou yo tankou yon pou san yo pa reyaji.

Pou menm rezon leve kanpe kont bidjè a popilasyon Sen Lwi nan sid te bloke wout nasyonal # 2 an maten madi 19 septanm nan.

Genyen komin kavayon nan depatman sid nan toujou sou kesyon bidjè a deja anonse vandredi 22 sepanm nan l ap leve kanpe.

Sa k ap dewoule la, se siy, Li posib pou nou debouche sou yon ben y san nan depatman sid/Okay si tout fwa tansyon sa kontinye ap monte konsa.

  

Jn Claudy Aristil

 

 

Ajouter un Commentaire


Code de sécurité
Rafraîchir

OPEN

Monday - October 16, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 10 invités et aucun membre en ligne

Podcast radio vkm

 

Rechèch