• [javascript protected email address]

Radyo VKM an dirèk

Nou ansanm jounalis ki siyen nòt sa a nan depatman sid la kondane ak tout fòs nou move pawòl ak menas lanmò majistra okay la Jean Gabriel Fortuné fè kont jounalis korespondan radio karayib nan depatman an, Jean Nazaire Jeanty jounen vendredi 4 aout 2017 lan nan moman konfrè a te al kouvri you evènman. Menas ke majistra ta pral soutni sou plizye media nan peyi a. Menas sa yo sanble tèt koupe ak baboukèt pou anpeche nou jounalis travay pou defann sosyete a nan objektivite ak endepandans. Nap raple majistra Okay la nan chimen demokrasi li toujou di l'ap ankouraje a ke li benefisye a dwe fèt nan respè dwa lapawol tout moun genyen pou di sa yo panse pou enterè peyi a.

Lalwa fikse tou fòm demach tout sitwayen dwe fè devan otorite jidisyè si li ta santi li viktim difamasyon. Li defini tou nan kòd etik ak deyontoloji medya yo nan peyi a dwa repons si you moun ta viktin de move pawol nan media yo. Majistra Gabriel dwe sonje okenn peyi pa fonksyone san respè dwa ak libète lapawol tout sitwayen san diskriminasyon genyen. Konpotman sa a vinn frajilize fonksyonman près la nan depatman kap fè ampil jefo pou travay nan respè etik profesyon an.
Dwa pou viv se youn nan dwa fondamantal deklarasyon inivèsel dwa moun ki enskri nan atik 3 dokiman sa ke otorite ayisyèn yo te siyen.

Konpotman sa pa fe lonè w majistra ki se you ansyen palmantè. Deklare "Si te gen yon sèvis sekrè nan peyi a Nazaire tap deja mouri epi sil te la Russie oubyen an rèpiblik dominikèn ou tap bal 24h poul te fi-n viv sou tè a" montre aklè ou gen nostaliji ansyen rejim bout di a. Deklarasyon sa Majistra pa fe lòt bagay ke kreye ostilite ak anpil èn kont lapres ki se sel sekte popilasyon an genyen pou defann enterèl nan you peyi kote tout pouvwa yo tounen pwason kraze nan bouyon. Li pa fè lonè tou sosyete sivil la, sektè politik la, ak tout lot moun kap batay pou you sosyete ak you leta pou respekte ak garanti dwa lavi ak libète tout sitwayen .

Asosyasyon Jounalis yo ak jounalis non asosye yo di non yo pap bwè kafe anmè sa pou majistra Gabriel. Pandan nap pwofite pran pa distans nou kont tout endividi ak politisyen kap itilize dosye sa a pou fè kapital politik yo ak defann enterè pèsonèl yo, sou pretèks yap defann Jounalis. Nap di yo je nou kale nou konprann jwèt yap jwe a.

N' ap mande majistra Jean Gabriel Fortuné pou resezil san pèdi tan epi korije Kaye l.

Viv you près lib, san baboukèt endepandan pou you pi bon sosyete.

Okay, 8 dawout 2017

Pou moun ki siyen not sa a

Widshell AUGUSTIN Journaliste Radio Télé MACAYA

Jean Caleb Mercival, Journaliste Radio Lumière

Hans Jean Louis Journaliste Radio Télé Hirondelle

Pierre Richard Saturne, Journaliste Radio Télé MACAYA

Termissias Lecton, Journaliste Radio Vwa Peyizan Sid.

Rose Bertha DENESTANT, Journaliste Radio Télé MACAYA

Boyer Charles, Journaliste Info Vant Bèf

Jean Enel Clotaire, Journaliste Radio Lebon FM

Georges Valince, Journaliste Radio Lebon FM

Valéry François, Journaliste Radio Télé Caramel

Amos Sénat, Journaliste Radio Télé Hirondelle

Jean Senozier Despreux, Journaliste Radio Télé Kiskeya

Alcide Sony, Journaliste Radio Télé Nami

Marjorie Despierre, Journaliste Télé Métropole du Sud.

 

Top of Form

 

 

Ajouter un Commentaire


Code de sécurité
Rafraîchir

OPEN

Wednesday - August 23, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 10 invités et aucun membre en ligne

Podcast radio vkm

 

Rechèch