• [javascript protected email address]

Radyo VKM an dirèk

Mouvman Demokratik Popilè (MODEP) apiye ak tout fòs li lit travayè ak travayèz nan enstitisyon piblik ak prive yo ap mennen pou mande pibon kondisyon travay. Nou apiye kare bare, batay ouvriye ak ouvriyèz yo k ap mande 800 goud kòm salè minimòm pou 8tèdtan travay ak bonjan akonpayman sosyal. Sou baz sa a, nou denonse prezidan enkilpe Jovenel Moise, ki chwazi pran defans patwon yo, lè li fikse salè ouvriye yo a 350 goud. Ti kaka aran 50 goud anplis la, se 50 galon gazolin, prezidan an chwazi mete sou dife mobilizasyon ouvriye yo. Salè tibèkiloz 350 la, pa menm ka bay chen lakay boujwa yo soupe, alewè pou li ta peye yon ouvriye pou yon jounen travay.

Pandan n ap denonse represyon patwon yo ak pouvwa anplas la ap voye lapolis al fè sou ouvriye yo, MODEP kanpe dèyè sendika ki nan lit yo ki lanse yon lòt semèn mobilizasyon k ap koumanse lendi 31 jiyè pou rive samdi 5 dawout. Nan sans sa a, nou mande tout travayè ak travayèz, tout òganizasyon ak militan konsekan, pwofesè, etidyan, ti machann k ap sibi pèsekisyon ak zak represyon anba men majistra yo, pou yo pote kole nan semèn mobilizasyon sa a.

Ansanm ak ouvriye yo, n ap okipe lari a pou nou fòse prezidan patwon yo Jovenel Moise, fikse salè minimòm nan a 800 goud jan ouvriye yo mande l la epi ba yo bonjan akonpayman sosyal pou yo sispann travay tankou esklav nan faktori yo. N ap pwofite okazyon sa a tou, pou nou mande patwon yo, reyentegre san pèdi tan, tout ouvriye yo revoke abitrèman nan izin yo.

Aba esklavaj modèn !

Viv lit ouvriye yo ! Viv lit pèp la !

 

 

Pou MODEP :

Elysée Luckner Vil  (37579828)    

 Nixon Boumba                                                 

 

Guy Numa

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 23 invités et aucun membre en ligne

Podcast radio vkm

 

Rechèch