• [javascript protected email address]

Radyo VKM an dirèk

Plizyè kontribiyab nan divès komin depatman Sid la denonse pwopagann 5 jou enpresyon/ livrezon paspò administrasyon Moyiz/ Lafontan  pa sispann fè popilasyon an konprann li sou plan nasyonal ak entènasyonal nan zafè rezoud  pwoblèm paspò  nan dènye mwa sa yo.

Sitwayen sa yo ki pale nan mikwo Vwa Klodi Mizo lendi 24 jiyè a  di  se pa ni 2 ni 3 mwa yo gen depi  y ap monte desann vin nan biwo MICT , imigrasyon ak emigrasyon depatmantal Sid la aprè dat delè biwo a   bay yo pou te vin pran paspò a.

Monte desann sa yo dèyè  dokiman  sa a lakòz yo depanse plis enèji, lajan epi yo strese  met sou li paske dat randevou kèk nan yo genyen ap avanse. Poutan, yo te pran byen bonè sitou sila yo k ap renouvle dokiman sa a. Yo remake Kit se renouvle oubyen yon premye enpresyon se menm penpenm lan.

Yon lòt bò, lavi yo riske paske soti toupatou nan depatman an, pran machin oubyen moto chak 15 jou pou vin wè si paspò a pare ògmante kalamite yo sou wout nasyonal yo kote chak jou gen aksidan. kanpe sou  ti galri oubyen deyo yon enstitisyon ki pa mete okenn sèvis dakèy pou resevwa sitwayen yo montre aklè otorite yo pa gen okenn  respè sinon  ap kontinye vyole dwa pifò sitwayen/ kontribiyab.  Tande minis enteryè a Maks Woudolf Sen Alben ( Max Rudolph Saint Albin) ak prezidan Jovnel Moyiz (Moise Jovenel)  ap di yo gen plis aparey pou enpresyon paspò daprè yo menm se yon blòf. Otorite sa yo pa serye sinon popilasyon an ta temwaye.  Kòm peyi a nan tèt otorite yo se Pòtoprens, sitwayen yo ap plenyen pou dokiman sa a menm jan ak yo nan depatman Sid kou Nò peyi a mande tèt yo ki responsablite dirijan yo.

VKM konstate gen dosye ki depoze depi mwa avril, me ak jen pase yo. Tout fich nou wè yo di dokiman kontribiyab la ap pare aprè 2 mwa. Menm sila yo ki depose lendi 24 jiyè 2017 l a se delè sa ki make nan do tifich  reklamasyon dokiman an. Tande ak wè se 2 !

Nan lide pou VKM ta jwenn di plis sou kisa ki lakoz sitwayen yo paka jwenn papye sa a,   nou te rann nou nan biwo a yon lòt fwa kote sekirite biwo a pa t manke pa agrese nou ak fè tantativ pou pran materyèl travay nou paske nou t ap pale ak kèk kontribiyab.

 Sèvis kominikasyon ak sekretè ki pa gen nan biwo sa a fè nou pa rive ka pran yon randevou ak responsab la ki se yon mwayen anplis pou pa enfome popilasyon sou kisa y ap regle nan biwo sa a kou lòt direksyon  nan depatman an.

Si pou keksyon jwenn papye gen tout pale gran gòj fo mouvman sa yo se prèv ke Leta sa a p ap regle anyen paske Leta dwe sitwayen li yo tout kalite dokiman selon manman lwa peyi a. Anplis fè pwopagann se yon fason pou detounen opinyon popilasyon an sou responsablite reyel dirijan yo pou kreye bon kondisyon travay, bay sitwayen li yo manje epi kòlmate lamizè kote enflasyon an nivo 16% daprè Enstiti Estatistik ak Enfòmasyon (Institut Haïtien de Statistique et de l’Information, IHSI - IPC).

 

Maks- Enmber Marslen, VKM. 

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 19 invités et aucun membre en ligne

Podcast radio vkm

 

Rechèch