• [javascript protected email address]

Radyo VKM an dirèk

 

         Dezyèm gayan konkou tèks sou kolektivite teritoryal òganize pa Jèn Pwogresis Okay (JPO)

      Depi lontan yo rekonèt peyi dayiti tankou yon peyi ki gen gwo santralizasyon. Pouvwa politik yo nan pòtoprens kapital la, menm jan ak pouvwa administratif ak pouvwa finansye yo, yo menm tou ki konsantre nan kapital la men gwo santralizasyon sa a fè peyi a fè bak epi tou anpeche lòt kote nan peyi a devlope. Men gen yon lòt metòd ki se desantralizasyon, nou pral wè ki sa desantralizasyon an ye? Ki sa konstitisyon an di sou sa ? Epi ki sa desantralizasyon an ap pote nan domèn politik, ekonomik ?

          Otonomi kolektivite teritoryal tankou komin, seksyon kominal, ak depatman mande pou gen desantralizasyon. Konsa leta bay yon pati nan otorite li genyen an bay pouvwa lokal yo, nesesite pou gen yon jan de dispozisyon konsa byen pale nan konstitisyon 29 mas 1987. Egzistans yon dispozisyon demokratik kòm konsèy depatmantal pwononse nan atik 83 ki di « konsèy depatmantal la dwe administre resous finansye kolektivite a nan enterè popilasyon an … » Asanble seksyon kominal la ap pèmèt yo konnen bezwen ki genyen nan seksyon kominal la epi konstwi yon plan pou devlopman rejyonal k’ ap pèmèt yo fè yon resansman sa ap déjà fè nou konnen konbyen moun  ki ap viv nan kolektivite a epi konnen ki pwoblèm yo genyen nan kominote pa yo e plan sa a ta dwe nan enterè sa popilasyon an mande. Yo ta dwe mete sou pye konsèy kominal, konsèy depatmantal ke pèp la ta dwe vote epi ki ap prè pou tande popilasyon an. Sa ap pèmèt yo konstwi lopital dispansè ak lekòl nan seksyon kominal yo. Sa t’ap fasilite peyizan sitou fanm ansent ak timoun yo ki pa t’apral bezwen kite bouk yo oubyen seksyon kominal yo pou yo ale nan vil. Otorite lokal yo tankou majistra yo ansanm ak delege yo kazèk ak azèk pral rasanble an asanble kominal pou yo diskite de pwojè ki enpòtan e nesesè pou zòn yo. Yo pral bezwen ankadre peyizan yo epi mete magazen kominotè a dispozisyon yo, mete kès popilè ki ap prete yo kòb pou yo achte pwodui pou yo fè agrikilti ak pou yo achte bèt pou yo gade konsa yo pap ale nan vil pou yo ale chèchè lavi miyò epi t’apral gen ogmantasyon nan envestisman ki ap fèt nan rejyon riral yo anplis de sa yon ogmantasyon nan sèvis ke popilasyon an ap kapab jwenn gras ak yon pri ki byen fikse

           Santralizasyon ekonomik nan lakoz nou pa ka avanse epi fè lòt pati nan teritwa nasyonal la pa jwi anpil privilèj, nou gen prèv ke santralizasyon an pa bay anyen tandiske si kolektivite teritoryal yo ta otonòm yo tap benefisye anpil e se t’ap nan enterè peyi a sa t’ap pèmèt li avanse  se sak fè li bon pou leta mete an aplikasyon atik 76 nan konstitisyon 1987 la yon fason pou peyi a ka pi byen mache.

 

            FORTUNÉ L. Myriam

            Lekol : Lise Jn Claude Museau

            Klas : Sekond 1

Ajouter un Commentaire


Code de sécurité
Rafraîchir

OPEN

Wednesday - August 23, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 5 invités et aucun membre en ligne

Podcast radio vkm

 

Rechèch