• [javascript protected email address]

Radyo VKM an dirèk

Aprè mobilizasyon yo fin kanpe pou tann Konsèy Siperyè Salè ( KSS) konteste a deside sou pri salè minimòm lan, plizyè milye ouvriye/ouvriyèz lase bòt, pran lari Pòtoprens depi lendi 10 jiyè 2017  pou di yo p ap negosye 800 goud pou jounen travay, akonpayman nan manje, lojman yo mande a.

Operasyon lase bòt la vini aprè KSS la fin manke ouvriye/ouvriyèz yo dega nan fason yo sal figi yo ak salè minimòm lan, tankou : moun ki travay nan distribisyon pwodui petwòl ( gaz ) ak sekirite ki touche 285 goud pral jwenn 300 goud, ouvriye faktori ki gen salè 300 goud pral pase nan 335 goud, bòn ka moun yo touche 175 goud dwe genyen 200 goud…

Manifestan yo deklare se konplo leta restavèk prezidan enkilpe a Jovenel Moïse ap dirije a ak patwon boujwa pinèz yo ki deja ap jwi tout kalite privilèj sou do taks malere/malerèz yo pou kenbe moun ki pi mal yo nan malsite. Fason yo monte KSS la ak boujwa epi tchoul boujwa sèlman tankou : Pierre Joseph Polycarpe, Fritz Charles jistifye l, pou n repete pawòl sendikalis Dominique Saint-Eloi. Se poutèt sa nan tout pakou a nou tande « aba André Apaid, aba prezidan enkilpe a, Jovenel Moïse »

Ouvriye/ouvriyèz yo detèmine pou jwenn 800 goud la ak akonpayman yo, mande tout konbatan pwogresis lase bòt pou menm koz sa pandan yo fè konnen represyon lapolis p ap fè yo fè bak epi yo voye yon pinga bay patwon ki panse ki ka revoke yo.

N ap fè remake chak jou kriz  ogmante nan peyi a pa gen jefò ki  fèt bo kote leta pou diminye ak rezoud yo , rezon ki pouse pitit peyi a ap riske lavi yo toupatou sou latè pou al chèche lavi miyò.

 

Jean Fricien Estimé, VKM

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 26 invités et aucun membre en ligne

Podcast radio vkm

 

Rechèch