• [javascript protected email address]

Radyo VKM an dirèk

Aksidan sikilasyon sa a fèt nan zòn Anba Fò, komin Senlwi di Sid, kote 3 machin enplike ladan l: 2 kamyonèt Isuzu ak yon pick up/ rache pwèl lè youn antre dèyè lòt lendi maten 10 jiyè 2017 la. 

Nan lakou lopital jeneral Okay la, VKM konstate 7 moun blese: 4 fanm, 3 gason ak kò yon jenn fanm san vi, bra gòch li rache kouche nan youn nan 3 machin yo ki pote non <Labonté de Dieu #2>, plak li se: TQ- 26273 asire transpò Miragwàn- Pòtoprens.

Chofè a anpil moun konnen sou non Rebeca di se jan chofè yo ap kondwi sou wout la ak absans sèvis sikilasyon kou ajan polisye yo ki lakòz nenpòt moun ka pran volan machin, san fòmasyon ap kontinye mete lavi malerèz ki ap chache lavi nan difikilte.

Li kontinye pou l di se premye okasyon li ye. Kòm chak jou, se Miragwàn li te prale pi fò pasaje li yo se machann ki ta pral achte.

Daprè enfòmasyon yo ta sanble gen lòt moun ki mouri paske lè isuzu a antre nan dèyè pick up la, gen pasaje ki sot tonbe atè, machin ta pase sou yo.

Rive nan Lopital jeneral Okay la, ti sal yo itilize pou ijans lan kwense se atè douvan sal radyografi ak famasi a, yon anviwònman sal kote ma dlo, labou, pèsonèl medikal yo san materyèl ap fè entèvansyon sou viktim yo ki kapab enfekte ak tout lòt kalite mikwòb mete abse sou klou doulè malere yo.

Aksidan sou aksidan okenn desizyon pa pran ak mòd transpò piblik san pwoteksyon sa yo. Ni tou otorite konsène yo pa fè anyen sou wout nasyonal # 2 a pou ta evite tout sitiyasyon malouk ki kontinye fè dlo je koule sou vizaj malere kou malerèz yo.

 

Max-Imbert Marcelin , VKM.

Ajouter un Commentaire


Code de sécurité
Rafraîchir

OPEN

Monday - October 16, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 25 invités et aucun membre en ligne

Podcast radio vkm

 

Rechèch