• [javascript protected email address]

Radyo VKM an dirèk

Nòt sa vinn jwenn radyo VKM jou ki 16 Me 2017 la.

Jèn Pwogresis Okay ( JPO ) di onè respè pou tout sila yo ki kontinye lite pou yon lavi miyò.  

Jodi a nou envite tout moun nan depatman sid pi dirèk kominote okay la, jèn yo an patikilye pou yo leve kanpe anfas tout dènye desizyon  dirijan yo ap pwan la, k ap lage pifò moun nan peyi an nan plis  mizè.

N ap mande pou gouvènman Ayisyen an san pèdi tan retounen osinon antre mezi li pran la, kote li monte gaz la sou mache nasyonal la. Lè nou konnen gaz la toujou rete menm pri a 49 dola 23 santim ameriken nan mache entènasyonal . Anplis taks sa se pa afè popilasyon an li pral regle. Li klè  se gagote yo pwal gagote li pou afè pèsonèl yo. Jan yo fèk sot fè l la nan kanaval Okay 240 milyon goud la. E tou prezidan peyi an ki depanse pou sekirite l pandan yon jou nan Sen mak nan okazyon jounen mondyal travayè 100 milyon goud.

N ap mande tou meri okay prese prese fè bak oubyen sispann kraze kay, monte sou tè moun nan tout move kondisyon l ap fè sa nan dènye jou yo la, tankou:

-          Meri a pa gen pwovizyon legal pou li ekspropriye moun.

-          Li pa gen dwa anvizaje okenn devlòpman san patisipasyon moun yo. Alewè pou sa ta rive fè t kont enterè majorite popilasyon an.

E tou meri a dwe sispann itilize tè k ap pwodwi manje nan komin nan pou fè wout. Jan manman lalwa peyi an ( konstitisyon Ayisyen an ) anpeche sa nan atik 247 ki mansyonne tout tè kiltivab nan peyi a pwoteje pou pwodwi manje pou moun nan peyi an rezoud pwoblèm manje yo.

Nou ankouraje dirijan yo aji nan enterè tout moun nan kominote a, nan peyi a san

paspouki. Sitou nan enterè sa ki pi pòv yo. Men se pa itilize pouvwa yo genyen an pou yo fè plis kòb sou do popilasyon an nan tout move kondisyon yo deja sal non yo a. Pa egzanp: nan vòlè, detounman ak blanchiman lajan. E n ap tou fè yo konnen nou p ap kontinye tolere yo nan sans sa. Seswa yo travay pou nou viv tankou moun oubyen yo retire kò yo nan pouvwa a.

Sa se twòp atò. Nou bouke. Nou pa p bay legen.

Pou jèn pwogresis Okay:

 

 Island Hyppolite                                                                                 

 Katlina Romain                                                         

 Chimika Maurice

 

 

 

Ajouter un Commentaire


Code de sécurité
Rafraîchir

OPEN

Thursday - May 25, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 9 invités et aucun membre en ligne

Podcast radio vkm

 

Rechèch