• [javascript protected email address]

Radyo VKM an dirèk

 

Yon moun mouri, yon lot blese ap pran swen ka l nesesite nan lopital jeneral Okay aprè bandi kagoule ak zam fin atake yo. Zak sa a rive samdi 13 me 2017 la bò 7 tè 20 konsa nan aswè nan lokalite pont Salomon sou wout Okay- Tobèk, anviwon 2 kilomèt ak sou komisarya polis 4  chemen an. 

 

Viktim yo  Jean Briel Remolien ak Watson Ducé  2 frè, te sou moto, ap soti nan vil la. Lè yo pral monte  pon Salomon kèk mèt ak lakay yo, 2 neg sou moto ki t ap pouswiv yo, koumanse tire nan do yo. Jean Briel, kondiktè a, pèdi kontwol moto a al tonbe akote wout la nan yon ti jaden mayi kèk mèt ak Tifrè a.

Bandi yo zam nan men, desann, bloke wout la, avanse sou li, fin touye l nan vide bal sou li  pran valiz la epi kase tèt pran wout direksyon sant vil Okay san krent selon enfòmasyon radyo Vwa Klodi Mizo jwenn nan men kèk abitan nan lokalite a. 

 

Jean Briel resevwa plizyè bal, mouri nan lopital jeneral, li se yon ti bizismann. Li kite 3 Timoun ladan yo 2 tifi anba zaj.  Tifrè a menm se etidyan nan premye lane nan inivèsite Limyè daprè ti frè yo Luckenson Ducé ki pale ak VKM. Watson resevwa yon bal nan flan gòch li kouche nan sal chiriji gason ak lòt mak sou kò l sitou nan jenou ak nan bra Li yo.

 

Paran viktim yo nou rankontre nan lakou lopital la pat ka Kenbe dlo nan je yo di VKM se pa premye fwa pi gran frè a Ki se yon machann telefòn sou pwent gran ri a sibi atak sa yo. Fwa sa a bandi yo pa ba l chans yon pote lavi l ale, pwofite rele anmwe pou Leta sa a ki pa janm panse ak sekirite malere k ap chache lavi nan fè yon aktivite pou ede rès fanmi yo fè fas Kare ak move lavi. Poze keksyon kot patwouyi lapolis nan komin nan?

 

Malere, malerèz p ap sispann viktim anba men bandi, san konte okenn desizyon otorite yo pa Kenbe nan depatman an kou peyi a pou mate fenomèn sa a kote politisyen tradisyonèl kou klas dominan yo alimente nan mete zam nan men sila yo Ki pi vilnerab yo pou regle pwòp afè pa yo.

 

Gwo pati nan Popilasyon an k ap peye taks pa ka gen sekirite men nan koumansman mwa me a, pou 2 jou sèlman soti premye me ak 2 me 2017 pase a, laprezidans pou kesyon karavàn developman nan Latibonit depanse 100 milyon goud pou sekirite sèlman Jovenel Moise Ki deja gen tout batri fòs represif la nan men l. Zafè ti mas yo.

 

Alè Ki lè ti pèp la se pa rete senpleman  plenyen yo pa gen sekirite se pito pou  yo pote kole nan oganize yo pou mete bon jan brigade sou pye yon mwayen pou anpeche  yo kontinye viktim anba men tout kalite atoufè.

 

 

Max- Imbert Marcelin, VKM

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 39 invités et aucun membre en ligne

Podcast radio vkm

 

Rechèch