• [javascript protected email address]

Radyo VKM an dirèk

 

Nan yon entèvyou espesyal majistra Okay la, Jean Gabriel Fortuné bay sal nouvèl Vwa Klodi Mizo, deklare viktim siklòn Matye yo pako prè pou soti nan sitiyasyon malouk sa.

Jean Gabriel Fortuné fè deklarasyon an jou 4 avril 2017 la nan lokal kay palmantè yo, Komisyon Minisipal la okipe depi kèk tan aprè pasaj sou depatman Sid la siklòn Matye 4 oktòb 2016 pase a.

Si meri a bat bravo pou sa li di li reyalise nan komin nan, sitou ak sa ki gen pou wè ak administrasyon, majistra prensipal la fè kwè bilan travay yo pozitif nan konsèy Minisipal la san panse ak byenèt popilasyon an. 

Konsèy sa a ki pran fonksyon 4 jiyè 2016 pase a sou plas dam Okay la, 9 mwa administrasyon sa ap dirije twazyèm vil peyi a, 9 mwa aprè sitwayen yo pa okouran  gen odit sou sa yo jwenn nan meri a. Sa Ki pouse anpil nan yo pa wè vre kisa ki chanje nan fonksyonnman enstitisyon kominal la. Akote anpil lòt, yonn nan chanjman sitwayen yo t ap tann epi katèl Lide/PHTK a pwomèt nan kanpay se bay kontribiyab yo bonjan enfòmasyon sou antre ak soti lajan taks li yo, yon bò, pran bon desizyon ki nan avantaj kolektivite a, yon plan zònaj… yon lòt bò.

Konsèy kominal la depi tout tan sa ap jere komin nan, okenn kominike pa afiche sou pòt nan 2 lokal meri yo ki nan vil la sou jesyon lajan taks komin lan. Se pito fè dlo koule nan je anpil malerèz pou jan lameri ap aji anba chapo devlopman san yo menm nan kolektivite a pa ka bay dizon yo. Epoutan majistra a pa sispann pale koze pwoksimite oubyen viv ansanm nan byen komen sitwayen yo.

Ki kalite satisfaksyon pou majistra prensipal la 6 mwa aprè dezas siklòn Matye sou komin Okay kou 18 lòt yo, aloske  majistra pa ka bay sitwayen yo bilan sou kantite moun ki viktim? Ki jan lameri asiste yo? Kouman Li jere yo? Ki kote li mete epi ki jesyon li fè ak èd ONG kou Leta sentral bay.

Majistra prensipal la ta vle soti pou l deplore sitiyasyon sitwayen sa yo bliye li nan mòd Leta peze souse depi plis pase 20 lane. Epi Kòm majistra majò  jon rejim tèt kale dezyèm vèsyon sa te devan nan pote kanaval ofisyèl ba yo nan banbile plizyè milyon goud kache dèyè eslogan " n ap danse n ap konstwi" pou ogmante kapital ekonomik yo. Nan denye jou sa yo ajisman meri a nan ranbleye tè marekaj nan lokalite Wafmase, bouche kanal irigasyon, kraze kay, monte dèyè do lalwa yon kò ame " Polis Minisipal ", deplase malere yo nan zòn Kwa Mati san konte bidonvil yo k ap kontinye bati nan antre Nò vil la kou kèk seksyon kominal montre aklè majistra yo ap travay nan pote pwojè ki kont sila yo ki pi vilnerab yo pa manke ajoute se yo k ap kontinye mouri paske yo pa gen tè tandiske se ta responsablite konsèy la pou ede sila yo ki nan bezwen, mobilize mwayen yo nan enterè veritab viktim yo. Ijans se pa pou sila yo k ap viv nan katye popilè yo tankou : Jon grenn, anba Vetirab, Dèyè Fò ak 6 seksyon kominal vil la. Se pito mwayen pou detounen èd yo di ki vin pou popilasyon an nan achte baskil pou ranmase fatra. Kot responsablite konsèy la.

Keksyon pou vin tande popilasyon an nan sa ki gen pou wè ak pwoksimite majistra Fortuné ap pale a pa mache ak enterè popilasyon an paske mezi li yo montre li kont devlopman reyèl kolektivite a. 

Pou malere ak malerèz yo pa kontinye mouri selon pwojè Leta prive sa pa gen lòt wout se kanpe anfas tout gwoup k ap eksplwate, tout dirijan, tout anvayisè mas yo nan pwofi klas dominan yo ak ti gwoup oligachi yo. Mas yo dwe batay pou fini, kolmate enjistis sosyal yo pou yon sosyete san fòs kote.

 

Max Imbert Marcelin, VKM.

Ajouter un Commentaire


Code de sécurité
Rafraîchir

OPEN

Thursday - May 25, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 6 invités et aucun membre en ligne

Podcast radio vkm

 

Rechèch