• [javascript protected email address]

Radyo VKM an dirèk

 

Vandredi 17 mas 2017 la paran Frantz Fleurinord kontinye mande jistis ak reparasyon nan moman  antèman pitit gason yo a ap chante nan legliz Sentejèn nan savann (komin Okay). Selon paran defen an plis pase kat (4) mwa depi lapolis nan Okay asasinen tigason 14 lane sa se dilatwa otorite lajistis nan vil la ap fè nan dosye a, se sa k fè fanmiy mò a mande jij enstriksyon Josias Jean Pierre ki sou dosye a otorizasyon pou antere Frantz, ki egzije yo ekri yon memo anvan pou fè antèman minè sa lapolis asasinen premye novanm 2016 pase a nan moman debakasyon èd imanitè sou waf Okay la pou viktim siklòn devastatè Matchou  yo ki pase 3 ak 4 Oktob 2016 la.

Asasina tigason sa te pwovoke gwo latwoublay nan vil la, plizyè milye moun te pran lari ak wòch, kouto, pik, manchèt, elatriye bloke divès zòn nan vil la sitou boulva Kat Chemen antre prensipal vil la. Manifestan yo pat manke pa akize majistra pensipal komin nan Jean gabriel Fortuné kòm moun ki vòlè konntenè tòl leta santral voye pou viktim siklòn yo, yo te menm rive mete annotaj mè a pandan yon bon bout tan nan manifestasyon an epi di l se li ki koz yo asasinen Frantz Fleurinord rezon an meri pa distribiye èd yo bay popilasyon an, se sa k fè yo tante jwenn tibagay bò bato a.

Pandan mouvman pwotestasyon an, se pa sèl tityovi a ki viktim. Nan moman manifestan yo t ap pase devan kay paran delege depatmantal sid la Louis Paul Raphael se anba katouch yo  gaye pasipala. Selon enfomasyon radyo Vwa Klodi Mizo jwenn se frè delege a ki ta tire sou yo, 4 moun blese ladan yo yon timine 14 lane Ribenson Joseph resevwa yonbal ki pete je goch li.  Yo menm tou ap mande jistis ak reparasyon.

Kesyon radyo Vwa Klodi Mizo ap poze, kilè malere ak malerèz ap jwenn jistis lè yo viktim anba grif grannèg, lapolis ak lòt otorite nan leta ?

 

Jean Fricien Estime, VKM

Ajouter un Commentaire


Code de sécurité
Rafraîchir

OPEN

Thursday - May 25, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 22 invités et aucun membre en ligne

Podcast radio vkm

 

Rechèch