• [javascript protected email address]

Radyo VKM an dirèk

TranspoPlizyè sitwayen kou òganizasyon dwa moun denonse nan mikwo Vwa Klodi Mizo, dènyè rapò PNH/Sid, bay mèkredi 7 desanm sou kantite aksidan sikilasyon ki fèt sou wout nasyonal depatman an, akize lapolis ki pa pran resposablitel.

Pou sitwayèn sa a, se rapò pou pale san aji. Tank jou ap pase se tank keksyon ensekirite nan zafè sikilasyon ap ògmante nan wout prensipal kou segondè andedan depatman Sid la. Lè se pa moto se machin pou jan y ap kouri, yo chaje ki lakòz pil aksidan sa yo.

2 lòt sitwayen di se Leta ki pa pran responsabilite yo sitou sèvis sikilasyon an ki pa aplike mezi yo konn pran. Soti sou ti ban andedan machin yo, bay distans pou machin yo fè, vit tou nwa yo, elatriye.

Yonn ladan yo di VKM, se sou wout nasyonal la li abite. Popilasyon an vwayaje pil sou pil nan transpo piblik la. Chofè yo menm kouri machin yo twòp. Yo bliye si wout yo nan peyi pa bon. Yo Pran move linèt, fè move kwazman mete pasajè yo sou tansyon.

Direktè Rezo Rejyonal pou Defann Dwa Moun, RSDDH nan lang fransè, mèt Yonel Myrtil ale nan menm sans ak sitwayen ki pale ak VKM yo. Men mèt la ensiste sou deviz enstitisyon lapolis la ki di <Pwoteje ak Sèvi>.

Pou militan dwa moun nan, dwa pou Lavi pa gen pri. Dwa sa a pa respekte nan obligasyon chan travay lapolis la. Yo menm nan òganizasyon l ap dirije a deja fè soti yon rapò depi sou ansyen direktè lapolis sid la sa gen kèk mwa sou sitiyasyon pasajè yo. Okenn nan pwen yo te sigjere yo pa janm fè yon sijè refleksyon vwa pou yo ta aplike yo, lonje dwèt sou direksyon depatmantal la.

Chofè yo pa resikle. Machin yo pa tyeke, yo pa gen limyè, pa gen kanpay sansibilizasyon elatriye. Dwa pou gen lavi a banalize daprè Myrtil.

Chofè yo pi souvan apiye sou keksyon patnè pou aji konsa, vyole dwa pasajè yo. Vin jwenn otorite tankou : depite, senatè, jij kou polisye envesti nan sektè aktivite sa a. Se prèv yo p ap janm fè mezi yo respekte. Moun ki mouri yo se fòt lapolis ki p ap pwoteje, di defansè a dwa moun nan.

Dènye chif PNH /Sid la kominike pou mwa novanm 2016 pase a ta fè kwè se 36 ka aksidan yo anrejistre, ladan yo gen 4 moun ki mouri ak plis pase yon ventèn lòt ki soti blese, mande pou popilasyon an pi pridan.

Aloske, ti bis Pap pa dap, kamyonèt kou Kabe yo chaje anlè kou andedan anba je polisye nan sou komsarya 4 chemen an ak Bèjo anvan yo pran wout nasyonal # 2 a.

Chita nan 2 ranje ban ki pran 7 pasajè chak bò nan kamyonèt kou Kabe yo, gen 2 ti ban nan mitan ki pran 2 pasajè yo chak, 4 lòt kanpe, pandye dèyè machin nan , 2 pran anlè tèt la ak 2 lòt ki akonpanye chofè devan machin nan . An total machin sa yo transpòte 27 pasaje olye 20 selon jan sa ta dwe ye.

Dènye ka aksidan ki pase samdi 3 desanm 2016 la, nan zòn Maseyan komin Aken- yon Pap Pa dap- lakòz 6 moun mouri ladan yo 3 sou plas ak plizyè blese.

Kòm lapolis p ap pwoteje enterè malere, malerèz yo, ret pasaje yo, yo menm ki pou pran rezolisyon nan pa monte machin sa yo epi toujou chonje se mèt kò ki pou veye kò.

 

Max- Imbert Marcelin, VKM

Ajouter un Commentaire


Code de sécurité
Rafraîchir

OPEN

Monday - July 24, 2017

Weather: 29°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 17 invités et aucun membre en ligne

Podcast radio vkm

 

Rechèch