• [javascript protected email address]

Radyo VKM an dirèk

imaj achivYon mwa 20 jou deja, plizyè moun nan popilasyon an kou kèk pwofesyonèl tankou Sebatien Douyon, avoka estajè nan depatman an denonse tout sekwè ki anvlope pouswit lajistis sou zak asasinay ti minè Frantz Fleurinord premye novanm 2016 pase a nan ri Antwan Simon blòk antre waf okay yo .

Sebatien Douyon fe deklarasyon sa dimanch 18 desann 2016 la, nan emisyon <Tribin Pèp> radyo Vwa Klodi Mizo,

Daprè mèt Douyon, moun ki responsab tout lantè ki ap kontinye fèt nan dosye timoun sa a, se komisè gouvènman an Yvon Pradel paske li gade zak sa a nan biwo l komsi se yon dosye prive. Mèt Pradel pa enfòme popilasyon an sou avansman ankèt jidisye a, depi dat sa a.

Mèt avoka a pwofite lonje dwèt sou majistra 3em vil la, Gabriel Fortune ki akapare dosye sa a nan bay dat pou antèman te fèt ak bay konferans pou laprès.

Sebatien Douyon di li pa konprann pike devan sa a. Se pa antèman sosyete a bezwen nan sitiyasyon sa a. Se rive jwenn jistis ak reparasyon pou timoun nan. Selon pawòl estajè a, li plis wè se politisyen an ki ap aji olye se majistra a.

Li kontinye pou l di, popilasyon an dwe konnen nan ki pwen dosye li a ye. Se vre lapolis di li fini ak ankèt administratif la, gen yon polisye ki nan izòlman epi dosye l douvan pakè Okay la. Men ki non prezime asasen an ? Nan ki inite l ye, Gad kot oubyen ajan brigad lit kont trafik dwòg, BLTS? Ki jij ki sou dosye a ? Menm kabinè avoka li tande ki sou dosye a pa ajite keksyon an elatriye.

Yon lòt bò, Douyon di li pa wè aksyon komisè a oubyen sibtiti komisè gouvènman yo ap mennen sou pil briganday ki fèt aprè rezilta pasyèl eleksyon 20 novanm pase yo. 4 desanm pase a, endividi mal entansyone flanbe 4 lekòl nan komin Tobèk, ladan yo 3 se lekòl nasyonal. Nan lannwit jedi 15 pou louvri vandredi 16 desanm pase a, yo bare wout, nan lokalite Bouri ak vide luil motè machin sou pon Laravin antre sid komin Okay.

Ensekirite elektoral fabrike sa a, se ògmante tansyon popilasyon an sou pil lòt ki sou do li yo.

Tout sa ki rive nan jiridiksyon an dwe sou kontwòl komisè Pradel paske se li ki chèf pousuit, se responsablite pa l. Li la pou l trake bandi pasi pala.

Nan ka lòt moun ki pran bal nan evènman 1 novanm pase a anyen pa fèt? Popilasyon an pa tande, Lapolis nan premye aksyon li, fè okenn arestasyon malgre 4 viktim yo ak klamè piblik di se ozalantou kay fanmi aktyèl delege sid Louis Paul Raphael moun yo pran bal nan moman manifestasyon an te kanpe devan pòt kay paran li yo.

Pakèt a, kòm avoka sosyete a, pa boudin kò l pou sitwayen sa yo, ladan yo, Ribenson Joseph, 14 lane ki pran yon bal nan je gòch li.

Si obsevatè yo ap mande jistis ak reparasyon pou tout viktim yo. Yo rann 3 enstans ki debake bato a tankou Meri Okay, legliz katolik ak pwotestan konplis pou silans yo nan zak asasinay sa a paske se yo ki agrese popilasyon an nan pat pran mesi sekirite nesesè sitiyasyon sa a te mande.

Frantz Fleurinord te pral gen 14 zan, 6 desanm 2016 pase a. Li menm ak anpil lòt timoun nan lanmè a, vin chache wè ak prezans bato èd imanitè a, jwenn kichoy pou yo manje. Se nan moman sa a, san baz gad kòt la pa atake, bal louvri sou timoun yo, blese timine nan do, li mouri sou plas.

Jistis ak reparasyon se refren depi lontan malere ak malerèz ki pa sispann vktim tout kalite enjistis nan mòd sistèm Leta enjis sa a.

 

Max-Imbert Marcelin, VKM

Imaj achiv

Ajouter un Commentaire


Code de sécurité
Rafraîchir

OPEN

Monday - July 24, 2017

Weather: 29°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 27 invités et aucun membre en ligne

Podcast radio vkm

 

Rechèch