• [javascript protected email address]

Radyo VKM an dirèk

VerraJean Verra Charles, anseyan, direktè administratif bibliyotèk IPDEC, Institut pour la Promotion et le Developpement de l’Éducation et de la Culture dans le Sud, denonse devlopman makiye Leta a ak boujwazi nasyonal kou entenasyonal nan peyi a ap pote bay popilasyon an.

Anseyan an fè deklarasyon sa a nan pasaj li nan emisyon ,  <Goute Sèl>  radyo vwa Klodi Mizo, madi 27 desann 2016 la.

Nan zafè politk, sosyal, ekonomik ak kiltirèl, lennmi yo gran, yo pisan. Yo anvayi mas yo ak tout mòd devolpman klas dominan boujwa enperyalis yo mete kanpe. Daprè li, se  pa yon altènatif pou peyi a paske li pa bon..

Soti sou politisyen grenn senk, envestisè kou mas medya yo, yo yonn pa wè kolektivite a. Si kolektivite a parèt  se paske se yon mwayen pou yo eksplwate klas domine a  ak boule sèvo l pou yo ka ret tèt anba.

Pou anseyan Jean Verra Charles, mòd devolpman nan fè wout, enstale konpayi kominikasyon, ayewopò, teknoloji, zòn franch tout kalite, gwo bilding, otèl elatriye  anba anba, ap mete pyon pou antre peyi a pifon nan privatizasyon,  mache lib ak likidasyon konpayi nasyonal yo.

Li kontinye pou l di, politik newoliberal sa a, ap aplike nan peyi a depi lane 1980 sou rejim bout di Jean Claude Duvalier alyas Baby Doc, pou rive lajounen jodi. Rezilta yo la, yo klè. Se plis mizè plan lanmò newoliberal la akouche.

Nan dènye moman sa yo, apa anba tonèl radyo VKM, li pa tande gwo popilasyon an anpatikilye nan depatman Sid la ap ajite keksyon lavi chè a, dola ki ap monte disèt otè- 68 goud pou yon dola vèt- redui nèt pouvwa pou sitwayen yo achte, pwodiksyon lokal la fin debaba,  blakawout elatriye. Popilasyon an ap vinn pi mouton.

Li pran egzanp kesyon kriz enèji EDH la nan depatman an kou rès peyi a ki pi dri. Kite konpayi EDH la ap depafini jan sa ap pase la, se yon fason pou likide konpayi an bay sektè prive a kòmsidire se yon sovè.  Okontrè se pou mas yo chonje , peyi a fè eksperyans sa yo deja ak Teleko, Minotri, Siman d’Ayiti elatriye.

Yon lot kote, koze bay rezilta eleksyon 20 novanm pase sou rezo sosyal ak pa SMS nan aparey dominan yo antre nan men kanpay destabilize oubyen manipile mas yo.  Chanjman sa yo lakòz sitwayen yo  pa gen aksè ak sèvis sosyal  yo.

Tout sa ki ap pase nan peyi a se pou kontinye fè pwomosyon pou yon grenn endividi  oubyen yon gwoup ekonomik, politik nan wè pwòp enterè pa yo, zafè majorite a.

Direktè Charles panse batay la al pi lwen. Pase nan kanal enfòmasyon, edikasyon pou tonbe  nan nivo konsyans dwe abouti ak yon kontriksyon reyel pou yon lòt sosyete. Yon sosyete kote se byenèt kolektif la ki blayi kraze tout baryè enjistis.

Nan dènye 50 lane sa yo, mòd devlopman enfrastrikti sa yo lakòz sitwayen yo pa gen aksè ak sèvis sosyal yo. Rezistans pou yon devlopman moun se imik vwa pou fèmen pòt ak tout move pratik retwograd ki vize anfonse mas yo nan mizè pi rèd.

 

Max- Imbert Marcelin, VKM

Ajouter un Commentaire


Code de sécurité
Rafraîchir

OPEN

Monday - July 24, 2017

Weather: 29°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 16 invités et aucun membre en ligne

Podcast radio vkm

 

Rechèch