• [javascript protected email address]

Radyo VKM an dirèk

IMG 0221Militan\ filozòf James Darbouze nan emisyon Goute Sèl  radyo Vwa Klodi Mizo samdi 2 jiyè 2016 la sou tèm < sektè popilè a bab pou bab nan kriz peyi a> deklare gen plizyè faktè ki lakòz kriz majè sa, se sektè popilè a ki pou òganize yo.

Filozòf Darbouze di se tansyon nan fòmasyon sosyal yo, Elit\ Enperyalis yo ak pwofondè kriz la ki debouche sou yon pwoblèm altenatif ki kenbe sitiyasyon sa sou kòtòf lestomak mas yo depi kèk lane.

Li kontinye pou l di 3 faktè sa yo makonnen yonn ak lòt men se keksyon altematif la ki pi enpòtan paske li ka debouche sou nenpòt lòt sitayasyon pi eksploziv. Popilasyon an nan kalite pwoblèm li ye pa wè kilès ki pral ede l soti kote li ye lajounen jodi.

Demokrasi boujwa\ fomèl sa a ke peyi enperyalis yo ap enpoze Ayiti pa kadre ak tribilasyon sektè popilè yo. Sa ki lakòz pwoblèm lamanjay, lekòl, transpò, swen santé, lojman, dlo elatriye pa poze nan peyi a. Keksyon eleksyon yo gen priyorite sou pwoblèm sosyal yo yon fason pou manipile kondisyon mas yo kòmsi se eleksyon ki pi enpòtan. Poutan se yon lòt mannyè pou kenbe byen fèm baryè dominasyon moun siperyè ak moun enferyè, moun rich ak moun pòv.

Pou rezon sa yo, sektè popilè yo dwe bò kote pa yo batay pou  tabli yon demokrasi Popilè\ dirèk nan di kisa yo vle epi patisipe nan jwenn solisyon ak pwoblèm yo.

Enterè oubyen vizyon mas yo dwe ouvriye, pèyizan, machann yo elatriye. Lit sektè popilè yo pa gen lòt mobil ke chanje lavi sila yo ki pi vilnerab yo.

Pou militan an, mouvman sosyal yo dwe kanpe anfas enperyalis\ boujwa, klas dominant yo ki enpoze mas yo yon vizyon elit makiye ak zafè eleksyon anba banyè dire ak misyon pou toufounen, kase elan revandikasyon mouvman sosyal yo.

Konsepsyon sa a daprè Darbouze, sektè popilè yo dwe voye l jete, divose ak li pou rive kraze balans ilegal sosyete mi wo, mi ba sa ki la depi plis pase 200 lane nan peyi a.

Li ajoute pou l di,  solisyon an pa lòt kote. Se pou sektè popilè yo òganize yo menm jan sa fèt  22 janvier 2016 pase a lè  yo refise mache nan eleksyon Martelly\ K- Plim ak enperyalis yo ki te swete fè yon dezyèm tou ak yon sèl kandida.

Kriz elektoral sa, daprè rechèch militan an remonte depi lane 2000. Pwojè a se toujou  kenbe aparèy Leta a nan pwofi menm tigwoup oligachi yo nan delapide resous peyi a, likide konpayi nasyonal ak resous natirèl yo

Yon lòt bò, filozòf la pa manke pa mande jenn yo ki reprezante 60 % nan popilasyon an, rete konsekan ak tèt yo. Pa kite okenn moun dekouraje yo alewè pou yo ta desespere yo malgre pwofondè kriz istorik sa a.

Wout la, selon filozòf\ militan an se travay, patisipe nan òganizasyon popilè, nan klèb lekti, fome lespri kritik yo, louvri lespri yo pou sitiyasyon demen yo ka diferan de jenn jodi.  

Batay la se kont klas dominan boujwa enperyalis yo ak akolit li yo.

Pou chanje lòd sosyal sa, sektè popilè yo dwe konstui, reflechi yon solisyon nan jwenn yon altènatif pou yo eklate sistèm Leta prive sa.

 

Max- Imbert Marcelin, VKM 

Ajouter un Commentaire


Code de sécurité
Rafraîchir

OPEN

Thursday - September 21, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 38 invités et aucun membre en ligne

Podcast radio vkm

 

Rechèch