• [javascript protected email address]

Radyo VKM an dirèk

Edh fotoSou envitasyon FOSS\ Fwon Òganizasyon Sosyal Sid, plizyè sitwayen manifeste nan vil Okay madi 5 jiyè 2016 la pou mande EDH bay popilasyon kouran elektrik ak pou TPTC ajiste pon Laravin nan.

Manifestan yo mache soti nan lakou kay Jano, zòn Nòdwès antre vil la pou rive douvan biwo EDH la ki nan ri Estenyo Vensan.

Kèk nan manifestan sa yo ki fè aktivite vann dlo ak bwason glase di se twòp. Nan moman difisil y ap viv jounen jodi pa gen mwayen pou yo fè ti komès maske mizè a ankò. Pa gen kouran pa gen lavi. Bra yo kase nan peyi izin mizè a gwo yo.

Youn ladan yo di VKM, Kòm se yo k ap soufri yo nan lari a pou fè revandikasyon yo pase ak pou reveye sila yo ki nan dòmi : <Nou bouke, nou bouke , nou bezwen kouran, nou p ap peye blakawout di jenn fanm nan>.

Mouvman sa, fèt yon jou apre Konsey Minisipal LIDE alye PHTK enstale nan fonksyon l lendi 4 jiyè pase a. Nan diskou majistra prensipal la li ajoute kèk lòt pwen konjonktirèl sou pil ki nan pwogram yo vann bay vil la ak 6 seksyon kominal ki antoure li a.

Reyaji sou keksyon sa, ak visit premye sitwayen vil la nan santral tremik konpayi an nan Boudèt madi 5 jiyè a sitwayen sa di yo blese nan lang deja yo konn gou san. Yo p ap pran pawòl nan men okenn politisyen ke l rele majistra Jean Gabriel Fortune, vis delege Louis Erius Saint Germain elatriye. Yo toujou nan pouvwa yo, pawòl yo, se yon mwayen pou kase mouvman òganizasyon popilè yo k ap souke kò yo.

Evens Clovis pòt pawòl Sid  konpayi EDH la,  deklare semenn pase pa gen pwoblèm gaz. Li kontimye pou l di tout motè yo ranje, soti nan 2 pou pase ak 3 vwa 4 motè. Poutan depi jou sa popilasyon Sid la ap konsome fè nwa nan plas kouran elektrik.

FOSS, mache tou, pou mande otorite yo ak responsab nan bwat ministè Travo Piblik Transpò ak Kominikasyon  vin mete nan pon Laravin lan 96 boulon ak 46 lòt pyès ke direktè jeneral ministè a Charles Raymond kontaste ki soti nan pon an epi akize izin vetivè yo nan zak malonèt sa.

Aprè yon mwa FOSS di anyen pa fèt pou repare malè pandye sa ki sou tèt popilasyon an vwa pou lajistis ta chache koupab  yo epi pini yo selon lalwa.

Nan mesaj yo delive nan fin mach la, òganizatè yo pwomèt pou yo kontinye ak mobilizasyon an yon fason pou EDH bay popilasyosn an sèvis epi pou pouse otorite yo ranje pon Laravin nan.

 

Max- Imbert Marcelin, VKM

Ajouter un Commentaire


Code de sécurité
Rafraîchir

OPEN

Tuesday - April 25, 2017

Weather: 24°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 14 invités et aucun membre en ligne

Podcast radio vkm