• [javascript protected email address]

Radyo VKM an dirèk

Les cayes ̸ Haiti :Egzamen ofisyèl pou Sant yo pou makiye mankman Leta.

Kèk elèv ki sibi egzamen ofisyèl pou fèmen fòmasyon 3 lane pou Sant Edikasyon Fanmyi (SEF) kou Sipivezè Sant yo pa pase 4 chemen pou denonse, kritike eta difisil Sant yo ap fonksyone nan depatman Sid la depi plizyè lane.

 

Soti Komin Okay, Kavayon, Senlwi, Aken, Kanperen pou site sa yo kondisyon aprantisaj la eskli elèv Sant yo pou ta byen aprann.

 

Daprè youn nan responsab sèl grenn sant egzamen pou depatman an nan lekòl Nasyon Dimase Estime vil Okay di se yon total 36 sou 41 elèv ki soti nan 6 sant ki konpoze egzamen sa yo soti lendi 11 pou bout vandredi 15 jen 2018 la. Pou tout peyi se yon total 527 kandida.  Yon kantite enkyetan. 

 

Nan lane pase yo , te gen 13 sant pou tout depatman an. Tikantite Sant sa yo deja pat ase nan fason kominote yo wè itilite yo men move eta Sant Edikasyon sa yo lakoz lajounen jodi  se 6 k ap fonksyonne. Yon pa, fomatèz yo pran laj, jwenn pansyon yo, MENFP pa ranplase yo, Sant yo fèmen, vin jwen kondisyon pou aprantisaj ta dwe fèt pako prèt pou egziste lakòz jenn ti medàm yo pa frekante yo, elatriye.

 

Se non Sant yo ki la, daprè elèv ki pale ak radyo VKM. Yo te ka byen aprann konn koud, fè nap bwode, kwochè, itilize 10 dwèt yo, fè pati pwodiksyon lokal nan valorize metye sa yo. Men Leta pa bay okenn asistans nan met materyel kom machin, liv ak lòt nan Sant Edikasyon Fanmyi yo.

 

Mari Anèz Almeda Filoktèk, sipèvizè Sant yo nan DDS/ MENFP di, li rekonèt pa gen enfrastrikti nan 6 Sant sa yo. Pa gen machin akoud, sinon se fòmatèz yo ki mete pwòp machin pa yo adispozisyon elèv yo. Li kontinye pou l di pa mande pou materyèl kizin tankou frijidè, blenndè, batèz, kiyè, fou, elatriye.  Menm tab travay pa genyen. Si gen youn konnen se sou 3 pye li ye oubyen li paka kenbe kò l.

 

Leta pa fè lòt bagay, nik peye fomatèz yo aprè se elèv yo ki deja nan gwo bezwen ki pou bay tèt yo tout lòt materyèl tankou fèy papye sik, liv epi jwenn mwayen pou fé resèt kizin yo. Aprèv, menm nan egzamen vandredi 15 jen an,  elèv se kole tèt angwoup pou yo reyalize fè kèk pla san èd ministè.

 

Ministè Ledikasyon Nasyonal pa ankadre Sant sa yo ki ta dwe byen chita nan kominote yo. Paske nan seksyon kominal depatman an, jenn yo andeyo dwa fondamental pou y al lekòl kou ta jwenn bon Sant ledikasyon ak pwofesyonèl.

 

Lè se pou yon sektè otorite yo ap Travay, yo mete tout bagay prè pou satisfè bezwen l. Nou ap raple w, depi me 2012 Leta vin ak EFOT yo ( Enstiti Fòmasyon Otèl Touris) nan kanpe yon lòt oryantasyon bay jenn fanm kou gason pa te menm panse ak estrikti Sant yo ki egziste deja k ap tann yon kout pous. 

 

Si yo pa rive fome nan Sant yo jan sa ta dwe ye, se yon chwa. Paske Leta pa mete ase lekòl nasyonal nan komin yo tout mankman sa yo se pou kenbe pitit peyizan yo lwen konesans pou estatouko a ka toujou doubout. 

 

Pa gen okenn atou pou pitit malere/ malerèz yo ak mòd Leta sansi sa a pou yo ta jwenn yon kontra nan fè pakoti. Tout objektif yo se eskli pitit gwo popilasyon an nan zafè konn li, ka itil tèt yo pou se toujou menm tigwoup oligachi entèlektyèl yo k ap fè lalwa. 

 

Maks Enmbèr Marslen, VKM. 

OPEN

Wednesday - June 20, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 6 invités et aucun membre en ligne

Podcast radio vkm

 

Rechèch