• [javascript protected email address]

Radyo VKM an dirèk

Jounen mondyal lang manman ak papa, vizit kèk Akademisyen Kreyòl Ayisyen an nan depatman Sid la.

Yonn nan pi gwo pwoblèm nou nan peyi a, se sistèm Edikatif Ayisyen an k ap kokobe sitwayen yo nan rann yo esklav yon lang fransè, pi fò moun nan peyi a pa pale l. Se sa prezidan akademisyen/ Akademisyèn yo ki te akonpaye ak teknisyen kominikasyon Akademi an deklare nan emisyon < Goute Sèl> radyo Vwa Klodi Mizo samdi 17 fevriye 2018 la.

Nan kad pasaj yo nan depatman Sid la, kèk jou anvan selebrasyon jounen entènasyonal lang manman ak papa 21 fevriye k ap rive la, Poris Jan Batis, prezidan AKA ak Emanyèl Lafalèz, teknisyen kominikasyon AKA, deklare aktivite Akademi an chita sou travay pou kore lang kreyòl Ayisyen an, chache kreye yon kominote kreyolofòn dyanm ak rive mete l chita kòm lang ofisyèl tou akote: Anglè, Fransè ak Neyèlandèz nan inyon Kominote karayib la ki gen tinon jwèt li CARICOM nan lang fransè.

Pou pastè Jan Batis, se yon bon siy paske jenn fanm kou gason reponn envitasyon an. Yo kontan viv sitiyasyon sa a nan kèk lise kòm Lise Filip Gèrye nan Okay. Angouman sa a marye ak tèm Akademi an kenbe pou lane 2018 la ki di: < Ann aprann pou n konprann> pa depaman ak pa Nasyon Zini pou Ledikasyon, Syans ak Lakilti UNESCO nan lang fransè.

Akademisyen yo nan premye visit sa a soti jedi 15 pou bout samdi 17 fevriye pase a nan depatman an, bat bravo pou akèy AKA jwenn bò kote jenn yo nan komin: Tobèk, Senjan di Sid ak Okay ki te gen posiblite  patisipe nan kèk seyans pwodiksyon ak manm Akademisyen yo elatriye.

Pou di se travay la sa, vin vizite? Vizite pou eksplore oubyen pou fè pwopagann?  Ki diplis apre 2 rezolisyon Akademi an sou < DWA LENGWISTIK TIMOUN LEKȮL> nan dat 16 septanm 2016 ak < ȮTOGRAF LANG KREYȮL AYISYEN> 1e jen 2017 pase a ? Kote enplikasyon seksyon kominal yo ? Kisa k ap prepare pou yo lè n konnen 3 lane aprè enstalasyon Akademi an, 4 desanm 2014 pase, pa gen okenn reprezantan nan seksyon, komin kou depatman yo?

Sa gen 18 lane konsa depi dat sa a, 21 fevriye, deklare jounen entènasyonal lang manman/papa nan monn lan.  Anpil kote gwo efò ap mennen pou dwa divèsite kiltirèl sa a respekte. Pa bò isit, Leta Ayisyen pa sanble ap travay pou l ta adopte zouti kominikasyon sa a, Kreyòl, nan sistèm Edikasyon Ayisyen an. Yon sistèm ki pa kwaze ak reyalite peyi a, ap fè pwomosyon, epi kenbe systèm Edikatif boujwa a ki chita sou eksklizyon ak anpeche gwo popilasyon an rive konprann pou demaske otorite yo ki kache dèyè yon lang pou bouche je popilasyon an nan jan responsab yo ap aji.

Manman lwa peyi a nan atik 5 li di se lang Kreyòl la ki simante tout Ayisyen. Kreyòl pale, kreyòl konprann. Li klè, sa gen 31 lane  depi konstitisyon 1987 la ap klewonnen l. Enstitisyon tou jenn sa a ki gen 3 lane apenn tankou AKA  pa gen lavwa ochapit oubyen fòs pou l aplike desizyon yo, p ap ka fè Leta sa a chanje direksyon si gwo popilasyon an pa kanpe pou defann dwa sa a. Paske dwa pou l pale, aprann, konprann se yonn tou kou pou l jwi dwa fondamantal li yo san fòs kote.

 

 

Maks Enmbèr Marslen, VKM 

OPEN

Friday - February 23, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 45 invités et aucun membre en ligne

Podcast radio vkm

 

Rechèch